Ysgol Gymraeg
Ystalyfera Bro Dur

Rwy'n hynod falch o'ch croesawu i Ysgol Gymraeg Ystalyfera Bro Dur, cymuned Gymraeg lwyddiannus a ffyniannus lle mae pob plentyn a myfyriwr yn cael eu herio a'u cymell i ddatblygu'n unigolion o'r radd flaenaf. Mae ein hysgol yn  ysgol 3-18  ar  ddau safle: Mae Ysgol Gymraeg Ystalyfera yn lleoliad pob oed ac mae'n eistedd ar frig Cwm Tawe, ac mae Bro Dur yn  ysgol 11-16 oed sydd wedi'i lleoli yn Sandfields, Port Talbot. Rydym yn ysgol hapus a llwyddiannus lle mae ein staff ymroddedig a chymwysedig dros ben, ynghyd â lefelau uchel iawn o les, yn darparu addysg galonogol ac uchelgeisiol i bob plentyn.

Mae ein arwyddair 'Dysgu Gorau Dysgu Byw' yn sail i bopeth a wnawn. Ein nod yw darparu addysg a phrofiadau rhagorol er mwyn paratoi ein plant a'n pobl ifanc ar gyfer y camau nesaf mewn bywyd. Rydym yn parchu gwerthoedd traddodiadol gwaith caled, moesau da a hunanddisgyblaeth, tra'n paratoi ein myfyriwr ar gyfer eu bywydau yn y dyfodol mewn byd sy'n newid yn barhaus.

Mae Ysgol Gymraeg  Ystalyfera  Bro Dur yn fan dysgu lle mae myfyrwyr yn teimlo'n ddiogel ac yn mwynhau eu taith addysgol. Mae Addysgu a Dysgu arloesol wrth wraidd popeth a wnawn yn yr ystafell ddosbarth a'r tu allan iddi a chyda chymaint o gyfleoedd ar gael, hyderwn y bydd eich plentyn yn tyfu ac yn ffynnu yma gyda ni.  Mae gan yr ysgol enw da a thraddodiad nodedig am ragoriaeth mewn chwaraeon, cerddoriaeth, drama, gwaith elusennol a hyrwyddo diwylliant Cymru. Rydym yn annog pob disgybl i fanteisio ar y cyfleoedd hyn i wella eu datblygiad fel unigolion iach a hyderus, yn barod i fyw bywydau llawn fel aelodau gwerthfawr o gymdeithas.

Ers 2015 mae'r ysgol wedi elwa o fuddsoddiad o £32miliwn. Mae adeilad Bro Dur yn safle pwrpasol newydd sbon  gydag ystod eang o gyfleusterau rhagorol; mae gan Ystalyfera adeilad cyfnod Cynradd newydd gwych, a dau floc addysgu newydd sy'n cynnwys ystafelloedd Gwyddoniaeth a Thechnoleg helaeth, pedair labordy TGCh,  adain  Celfyddydau Perfformio  a Theatr 350 sedd gyda phiano mawreddog Shigeru Kawai. Mae'r cyfleusterau chwaraeon yn ardderchog drwyddi draw gan gynnwys Neuaddau Chwaraeon, caeau awyr agored, caeau 2G, MUGA ac ystafelloedd ffitrwydd.

Fel ysgol cyfrwng Cymraeg, credwn yn gryf y gallwn ddarparu'r sylfeini gorau posibl i blant a phobl ifanc Cymru, drwy roi dwy iaith werthfawr ac angenrheidiol iddynt, cysyniadau a geirfa gyfoethog ac amrywiol, a chyfleoedd cyffrous a hwyliog. Ymunwch â ni felly, ar daith i Ysgol Gymraeg  Ystalyfera  Bro Dur – rydym yn awyddus i weithio'n agos gyda chi i gefnogi ac annog eich plentyn i wireddu a chyflawni ei ddyheadau ac ehangu ei orwelion.

Yn ddiffuant,

Laurel Davies
Pennaeth