Llysgenhadon Iaith Bro Dur
Yn dilyn eu hyfforddiant yr wythnos diwethaf, mae’r llysgenhadon iaith yn barod i ddechrau ar eu rôl bwysig yn yr ysgol i hyrwyddo ieithoedd ym Mro Dur. Pwrpas eu rôl yw i godi proffil ieithoedd ymhlith disgyblion, staff a’r gymuned ehangach. Byddent yn cefnogi’r adran trwy drefnu a chynllunio gweithgareddau a digwyddiadau er mwyn hyrwyddo ieithoedd, cyflwyno gwybodaeth mewn dosbarthiadau a gwasanaethau a chreu arddangosfeydd pwrpasol yn yr ysgol ar gyfer digwyddiadau. Rydyn ni’n falch iawn o’u brwdfrydedd a’u hangerdd tuag at ieithoedd ac rydyn ni’n edrych ymlaen at weithio gyda nhw yn ystod y flwyddyn.